SALUT AU BIARN!

 

Salut au Biarn

Que-t saludi, Biarn, dab lou toun cèu de Pau!
Lous touns gabes qui pisnen capbat las arribères,
Lous cams, lous bos, las bits, las mountagnes tan bères
Qui hén qu’és un parsà coum n’y a chic atau.

A boste, lous malaus, cerca ban la santat;
Lous estranyès, a Pau, tan que l’ibèr e dure,
Que troben lou douns prim au loc de la redure.
Ah! d’esta agradiu que pots segu banta-t.

Mounde de qualitat, sourti de ci qu’an bis:
En cap Yane d’Albret, la reyne chéns payère,
May dou nous boun Henric qui, de touts aymat hère.

Boulé que lou paysan, urous, bénte-sén-gris!
Aussi lou diménye, ab pan sinou mesture,
La garie au toupin au ménch ta masquedure!…

Bibe Pau! bibe lou Biarn!

YAN DOU GOUF

RECLAMS DE BIARN E GASCOUGNE
Seteme-Octobre 1912